مع كوبايتين شاى

قاعد قدام الخيمة لقيت ام اسماعيل بتنادى عليا وام اسماعيل لمن لايعرفها ست بتاعة شاى وام لطفلين اسماعيل ومحمد

عرفتها من اعتصام 8يوليو وبرضه كانت نصبتها قدام الخيمه وقتها المهم ايوه يام اسماعيل لقيتها عماله تعيط يادى الليله

السودا هو انتى مابتبطليش عياط ابدا ياست انتى قالتلى تعالى حاضر ايه فيه ايه قالتلى مفيش تعالى اقعد هنا مع الراجل ده

بصيت لقيت راجل كبير اشيب الشعر تجاوز الستين سلامو عليكو رد الرجل بصوت هادىء لايخلو من الاسى عليكم

السلام يابنى تطلعت فى وجهه لمحت اثر الدموع قعدت جنبه ماتوحد الله ياعم الحج لا اله الا الله رد الرجل وقد انفجر فى

البكاء هدأت من روعه مالك بس قاللى مفيش سألته بس شكلك تعبان قاللى كله بيهون طب انت مريض رد الحمد لله

استفسرت منه وعرفت نوع المرض – لن اذكر تفاصيل حتى يأذن لى لانه منبه عليا-احسست ان الموضوع يسير فى

اتجاه اخر فسألته ماتعرفناش ياعم الحج قاللى محمد اسمى محمد عادل وبتشتغل ايه ياعم محمد رد انا كنت سواق تريللا

وشركتى فى البحر الاحمر بس خلاص بحكم المرض انا هنا فى البيت بالنهار وبالليل فى الميدان تعمل ايه بس وانت

عيان كده طيب استريح فى البيت قاللى بكرة كلنا نستريح فرجه قريب عندك ولاد ياعم محمد قاللى  معايا سيد  وبنتين

البنتين عاوزين يقعدونى فى البيت لكن انا بنزل عشان اشوف سيد  تشوفه ازاى بعنى بشوفه فى وش كل واحد فى الميدان

 لا حول ولا قوة الا بالله وحصل امتى الكلا م ده ياعم محمد قال خدوه منى  زى ماخدوا شباب كتير نزل زى مانزل

الشباب يوم 25 يناير ويوم 28 لقيت صحابه بيقولولى تعالى خد ابنك منين ياولاد قالوا من مشرحة زينهم ------------

زينهم لله الامر من قبل ومن بعد وعملت ايه ياعم محمد قاللى معملتش طب فين تقرير الوفاة قاللى فى الشركة قولت له

وسبب الوفاة فى التقرير ولم يختلف ماقاله عم محمد عما توقعته هبوط حاد فى الدورة الدموية طب خدت حاجة –اقصد

فلوس –رد هو انا هتاجر بدم ابنى انا مش عاوز حاجة انا كنت عاوزه يسندنى اتعكز عليه وانا رايح المستشفى سألته كان

عمره اد ايه قاللى 18 سنة بعد ما كبرت وربيت وبقى راجل ياأستاذ كان لسه بيدرس بس راجل نزل عشان خاطر البلد

دى نزل عشانى وانا دلوقتى بنزل عشانه بنزل عشان اقول لكم دم سيد لسه مجاش حقه وعندى ايمان وواثق ان دمه مش

هيروح فى الارض طول مافيه ناس زيكم بتطالب بحقه وفى القصاص

طالبت عم محمد بصور من التقرير الطبى لأبنه وورق مرضه بوعدنى باحضاره ولكن طلب منى وعد مقابل بعدم عمل

اى شىء الابعد ماخد رأيه وقد وافقت 

بعد التفكير: a7lami al-mob3thara: تماحيك في الناس الكويسة...تمح...

بعد التفكير: a7lami al-mob3thara: تماحيك في الناس الكويسة...تمح...: a7lami al-mob3thara: تماحيك في الناس الكويسة...تمحيك ثاني: أحمد حرارة

بعد قراءتى للمدونه دى حسيت ان فيه حاجه ربكتنى ----ليه؟ اقول لكم -- اول حاجه حسيت ان امينه وصفت احساس فيا انا مش فيها وانها داست على جرح فيا بس جرح غائر ---تانى حاجه الطرف المشترك وهو احمد حراره اللى ناديت من زمااااان ان

شارع محمد محمود يتسمى بأسمه وده يكون اقل تقدير له وميوفيهوش كمان ---تالت حاجه انى اتحطيت فى موقف حسيت فيه بضأله نفسى وده يوم الوقفه التضامنيه مع سميره ابراهيم عند مجلس الدوله وسبب الموقف ده انى انسان بتحرك وحدى ومليش

اختلاط ولا حد يعرفنى ولا بتفرق معايا بس فى اليوم ده يشاء السميع العليم انى اكون لابس نضاره قريبه من بتاعة حراره وواقف وسط الناس ولقيت ستات فضليات عمالين يبصوا عليا وانا مش فاهم ضحكوا وشاوروا ونادوا حراره --حراره-- طبعا وانا ولا

هنا طلعت على السلم ووقفت سمعت واحده بتقول هو هيصور هنا مفهمتش -فهمت بعد كده ان احمد حراره كان فى المبنى وانه جه متضامن ومساند وداعم لسميره - المهم جه عليا مجموعه مكونه من بنتين وشابين وسألونى بوجه يملؤه الابتسامه هو انت اخو د-

احمد حراره قلتلهم لآ قالولى ولا تقربله فنفيت وعرفت ان وجه الشبه-بالرغم من فارق العمر- كبير بعدها جاءت سيده من اللى شاوروا عليا وسألتنى مباشره هو انت حراره لقيت الكلمه طالعه من فمى للأسف لأ اكملت معى كلمات قليله ثم استأذنت ومشيت

تضاربت مشاعرى هو انا حزين على حراره اللى فقد حبيبتيه-كما قال النبى عليه الصلاة والسلام-ولا حزين على نفسى انى مقدمتش لبلدى ماقدمه حراره هل هو نوع من الايمان والله اعلم بقلوبنا فاختار الاثبت والاقوى ايمانا ليختبره ؟ الله اعلم

لكن اللى اعرفه ان كل ماكان حد يسألنى نفس السؤال اتضائل امام نفسى ثم ازهو مفتخرا انى ممكن اقول لأى حد انا اللى شبه حراره ثم ارجع مره اخرى لأتضائل ازاى اقول كده العمليه مش بالشبه الرجوله مواقف وتضحيات وواضح انى محتاج اما لموقف

او لعمر قد عمرى عشان اثبت انى راجل زى حراره

ماعرفش ليه سألت نفسى طيب احنا ايه اللى ممكن نقدمه لأحمد وهو اللى فى كل مرة نلاقيه سابق خطاوينا ونمشى وراه ---واضح يااحمد انك انت اللى شايف واحنا مش شايفين ثابت واحنا مهزوزين فاهم واحنا ملخبطين ---ازاى يكون دكتور السنان استاذ

تربيه وطنيه ازاى يكون دكتور السنان مؤرخ وجزء من التاريخ ؟ معرفش--ومش عاوز اعرف ------------------------شكرا ياأحمد انك بتعلمنا معانى كتيره مفتقدنها بالرغم من ان الثمن غالى

a7lami al-mob3thara: تماحيك في الناس الكويسة...تمحيك ثاني: أحمد حرارة

a7lami al-mob3thara: تماحيك في الناس الكويسة...تمحيك ثاني: أحمد حرارة

علاء حرا

لا تصالح قصيدة امل دنقل

                                                                                (1 )

لا تصالحْ!

..ولو منحوك الذهب

أترى حين أفقأ عينيك

ثم أثبت جوهرتين مكانهما..

هل ترى..؟

هي أشياء لا تشترى..:

ذكريات الطفولة بين أخيك وبينك،

حسُّكما - فجأةً - بالرجولةِ،

هذا الحياء الذي يكبت الشوق.. حين تعانقُهُ،

الصمتُ - مبتسمين - لتأنيب أمكما..

وكأنكما

ما تزالان طفلين!

تلك الطمأنينة الأبدية بينكما:

أنَّ سيفانِ سيفَكَ..

صوتانِ صوتَكَ

أنك إن متَّ:

للبيت ربٌّ

وللطفل أبْ

هل يصير دمي -بين عينيك- ماءً؟

أتنسى ردائي الملطَّخَ بالدماء..

تلبس -فوق دمائي- ثيابًا مطرَّزَةً بالقصب؟

إنها الحربُ!

قد تثقل القلبَ..

لكن خلفك عار العرب

لا تصالحْ..

ولا تتوخَّ الهرب!

(2)

لا تصالح على الدم.. حتى بدم!

لا تصالح! ولو قيل رأس برأسٍ

أكلُّ الرؤوس سواءٌ؟

أقلب الغريب كقلب أخيك؟!

أعيناه عينا أخيك؟!

وهل تتساوى يدٌ.. سيفها كان لك

بيدٍ سيفها أثْكَلك؟

سيقولون:

جئناك كي تحقن الدم..

جئناك. كن -يا أمير- الحكم

سيقولون:

ها نحن أبناء عم.

قل لهم: إنهم لم يراعوا العمومة فيمن هلك

واغرس السيفَ في جبهة الصحراء

إلى أن يجيب العدم

إنني كنت لك

فارسًا،

وأخًا،

وأبًا،

ومَلِك!

(3)

لا تصالح ..

ولو حرمتك الرقاد

صرخاتُ الندامة

وتذكَّر..

(إذا لان قلبك للنسوة اللابسات السواد ولأطفالهن الذين تخاصمهم الابتسامة)

أن بنتَ أخيك "اليمامة"

زهرةٌ تتسربل -في سنوات الصبا-

بثياب الحداد

كنتُ، إن عدتُ:

تعدو على دَرَجِ القصر،

تمسك ساقيَّ عند نزولي..

فأرفعها -وهي ضاحكةٌ-

فوق ظهر الجواد

ها هي الآن.. صامتةٌ

حرمتها يدُ الغدر:

من كلمات أبيها،

ارتداءِ الثياب الجديدةِ

من أن يكون لها -ذات يوم- أخٌ!

من أبٍ يتبسَّم في عرسها..

وتعود إليه إذا الزوجُ أغضبها..

وإذا زارها.. يتسابق أحفادُه نحو أحضانه،

لينالوا الهدايا..

ويلهوا بلحيته (وهو مستسلمٌ)

ويشدُّوا العمامة..

لا تصالح!

فما ذنب تلك اليمامة

لترى العشَّ محترقًا.. فجأةً،

وهي تجلس فوق الرماد؟!

(4)

لا تصالح

ولو توَّجوك بتاج الإمارة

كيف تخطو على جثة ابن أبيكَ..؟

وكيف تصير المليكَ..

على أوجهِ البهجة المستعارة؟

كيف تنظر في يد من صافحوك..

فلا تبصر الدم..

في كل كف؟

إن سهمًا أتاني من الخلف..

سوف يجيئك من ألف خلف

فالدم -الآن- صار وسامًا وشارة

لا تصالح،

ولو توَّجوك بتاج الإمارة

إن عرشَك: سيفٌ

وسيفك: زيفٌ

إذا لم تزنْ -بذؤابته- لحظاتِ الشرف

واستطبت- الترف

(5)

لا تصالح

ولو قال من مال عند الصدامْ

".. ما بنا طاقة لامتشاق الحسام.."

عندما يملأ الحق قلبك:

تندلع النار إن تتنفَّسْ

ولسانُ الخيانة يخرس

لا تصالح

ولو قيل ما قيل من كلمات السلام

كيف تستنشق الرئتان النسيم المدنَّس؟

كيف تنظر في عيني امرأة..

أنت تعرف أنك لا تستطيع حمايتها؟

كيف تصبح فارسها في الغرام؟

كيف ترجو غدًا.. لوليد ينام

-كيف تحلم أو تتغنى بمستقبلٍ لغلام

وهو يكبر -بين يديك- بقلب مُنكَّس؟

لا تصالح

ولا تقتسم مع من قتلوك الطعام

وارْوِ قلبك بالدم..

واروِ التراب المقدَّس..

واروِ أسلافَكَ الراقدين..

إلى أن تردَّ عليك العظام!

(6)

لا تصالح

ولو ناشدتك القبيلة

باسم حزن "الجليلة"

أن تسوق الدهاءَ

وتُبدي -لمن قصدوك- القبول

سيقولون:

ها أنت تطلب ثأرًا يطول

فخذ -الآن- ما تستطيع:

قليلاً من الحق..

في هذه السنوات القليلة

إنه ليس ثأرك وحدك،

لكنه ثأر جيلٍ فجيل

وغدًا..

سوف يولد من يلبس الدرع كاملةً،

يوقد النار شاملةً،

يطلب الثأرَ،

يستولد الحقَّ،

من أَضْلُع المستحيل

لا تصالح

ولو قيل إن التصالح حيلة

إنه الثأرُ

تبهتُ شعلته في الضلوع..

إذا ما توالت عليها الفصول..

ثم تبقى يد العار مرسومة (بأصابعها الخمس)

فوق الجباهِ الذليلة!

(7)

لا تصالحْ، ولو حذَّرتْك النجوم

ورمى لك كهَّانُها بالنبأ..

كنت أغفر لو أنني متُّ..

ما بين خيط الصواب وخيط الخطأ.

لم أكن غازيًا،

لم أكن أتسلل قرب مضاربهم

لم أمد يدًا لثمار الكروم

لم أمد يدًا لثمار الكروم

أرض بستانِهم لم أطأ

لم يصح قاتلي بي: "انتبه"!

كان يمشي معي..

ثم صافحني..

ثم سار قليلاً

ولكنه في الغصون اختبأ!

فجأةً:

ثقبتني قشعريرة بين ضلعين..

واهتزَّ قلبي -كفقاعة- وانفثأ!

وتحاملتُ، حتى احتملت على ساعديَّ

فرأيتُ: ابن عمي الزنيم

واقفًا يتشفَّى بوجه لئيم

لم يكن في يدي حربةٌ

أو سلاح قديم،

لم يكن غير غيظي الذي يتشكَّى الظمأ

(8)

لا تصالحُ..

إلى أن يعود الوجود لدورته الدائرة:

النجوم.. لميقاتها

والطيور.. لأصواتها

والرمال.. لذراتها

والقتيل لطفلته الناظرة

كل شيء تحطم في لحظة عابرة:

الصبا - بهجةُ الأهل - صوتُ الحصان - التعرفُ بالضيف - همهمةُ القلب حين يرى برعماً في الحديقة يذوي - الصلاةُ لكي ينزل المطر الموسميُّ - مراوغة القلب حين يرى طائر الموتِ

وهو يرفرف فوق المبارزة الكاسرة

كلُّ شيءٍ تحطَّم في نزوةٍ فاجرة

والذي اغتالني: ليس ربًا..

ليقتلني بمشيئته

ليس أنبل مني.. ليقتلني بسكينته

ليس أمهر مني.. ليقتلني باستدارتِهِ الماكرة

لا تصالحْ

فما الصلح إلا معاهدةٌ بين ندَّينْ..

(في شرف القلب)

لا تُنتقَصْ

والذي اغتالني مَحضُ لصْ

سرق الأرض من بين عينيَّ

والصمت يطلقُ ضحكته الساخرة!

(9)

لا تصالح

ولو وقفت ضد سيفك كل الشيوخ

والرجال التي ملأتها الشروخ

هؤلاء الذين تدلت عمائمهم فوق أعينهم

وسيوفهم العربية قد نسيت سنوات الشموخ

لا تصالح

فليس سوى أن تريد

أنت فارسُ هذا الزمان الوحيد

وسواك.. المسوخ!

(10)

لا تصالحْ

لا تصالحْ

لماذا 9-9

لماذا 9-9 يعنى هتنزل ليه ؟ ده سؤالك ومن حقك بس مش ممكن ماتكونش عارف الاجابة ده اى سبب هيجى فى دماغك لوحده سبب للنزول ---مش اجابه صح؟ اجاوبك بطريقتك ثورة 25يناير لما قامت كان لها اهداف زى اى ثورة تقضى على الفساد وتحاكم المفسدين وتغير شكل الدوله خارجيا وداخليا وتبنى نظام جديد قايم على العدل والمساواه وتحط اطار ونظام قانونى جديد وترسم شكل الدوله كل اللى قدرنا عليه اننا طيرنا مش راس النظام لكن ديله راس النظام لو كان طار كان النظام مات لكن مامتش لما لسه فيه انهيار امنى ووزاره كاملة مش عاوزه تشتغل بالرغم من انها الوزاره الوحيده اللى زودوا مرتباتها 100% يبقى ده معناه انهم عايزين اما يكونوا زى الاول يااما مايشتغلوش والوزير سايبهم لابيمنعوا جريمه ولا بيمسكوا سلاح والمجلس مافيش قرارات --لألأ خد قرارات اللى يتكلم ويقول رأيه يودوه للمحكمه العسكريه طب ليه والغلابه دول عملوا ايه يقول لك دول مناوئين للجيش ياعم الجيش على راس اللى خلفونى انا بانتقد طريقة ادارتك انت دلوقتى مش عسكرى انت مدير طب مين يسمع ومين يقرا
لما كل همك تاخد صينية الميدان وسايب الدنيا خربانه على الحدود وعدونا الصهيونى عمال يعربد شرق وغرب وفى الآخر يموتوا شباب مصرى زى الورد وبالطيران كمان يعنى خرق واضح للاتفاقية يبقى فين الكرامه فين وزير الخارجيه عمل ايه هو فاهم وظيفته وعارف هووزير خارجية دولة ايه والله لو يعرف قيمة كلمة مصر لتوارى خجلا مصر كبيره عليك اوى يابنى مصر الشرف والتاريخ مصر العزة والنخوه مصر الرفعة والكرامه --مش بس كده لأ وكمان بتبنوا جدار حوالين السفاره الصهيونيه بتحموا مين اللى قتلوا ولادنا واخواتنا ماهو انتوا لو حاسيين بيهم وبقيمتهم كنت قلت ولادكوا لكن مفيش دليل على كده 
طيب نيجى بقى للمدعو عصام شرف اللى شهرته بقت ضيف شرف واقوله تعرف ايه عن اسمك الشرف يعنى --الشرف يعنى الثبات على الحق والموت عشانه تقدر تقوللى ايه لازمتك لا مبدأ ثبت عليه ولا دور قايم بيه انت يادوب بلغة الميرى عسكرى مراسله اللى يقلوهولك اسيادك تنفذه مش هو ده رئيس وزارة مصر ياكبير الوزرا يااما تبقى راجل-ودى مستحيلة- وتشوف شغلك اللى يمليه عليك ضميرك ياتمشى -ودى صعبه على الصغار-لأن الباقى هو وجه الله ولوبتدوم كانت دامت للى قبلك واللى اكبر منك واعتى
عاوز سبب تانى للنزول فيه الاهم --النائب العام اه هو عبد المجيد محمود الموظف غير المهنى اللى لو عند ذرة انسانيه ودين كان ساعد فى رد المظالم لآهلها وانتصر للحق الواضح وضوح الشمس وكان العدل جرى على ايديه بصفته محامى الشعب لا محاكمات ماشيه ولا ادله موجوده ولاتحقيقات بشفافيه قايم بيها ولا قضايا بتخلص ولا فلوس بترجع وكله مهاترات وتسويف لغاية مانلاقى المجرم ضحيه والمجنى عليهم متهمين وحسبنا الله ونعم الوكيل -------------حاجات تانيه كتير بس دول كفايه انى انزل لهم 9-9 واقف جنب اخواتى وايدى باديهم وملناش غير ربنا 

الكل فى واحد

مع استمرار تحقيقات النيابة العامة فى وقائع الفساد المختلف المنوط بأعضاء النظام السابق يتم حبس المتهمين 15 يوم يتم بعدها التجديد مراعاه لظروف التحقيق ونرى بشرا على الوجوه وسعادة فى قلوب المصريين الذين اكتوا بنار هذه القلة التى افسدت الحياة العامة وغلى الرغم من مشاركتى الداخلية لهذا الفرح الا انه مشوب بالقلق الذى يصل لحد الخوف فتأخير ربط الوقائع بالأشخاص واستمرار اشخاص بعينهم فى مواقع المفروض انتهاء صلتهم بها بزوال النظام يعتبر تآمر على هذا الوطن الغاضب
ماذا فعل سرور على مدار شهرين فى مجلس الشعب وماذا حاك عزمى فى القصور الرئاسيه وصفوت فى الشورى وشفيق فى مجلس الوزراء واين سليمان وماذا يدبر وحركة تعيينات الخارجية غير المبررة قبل التنحى بأيام

السؤال الاهم الآن ماذا يفعل كل هؤلاء فى طره وكيف يسمح النائب العام بتجمع كل هذه العقول والاموال والمؤامرات فى مكان واحد  وماهى طرق مراقبتهم والسيطرة عليهم وفد اقتربوا من ان يصبحوا الكل فى واحد